ಸೈಂಟ್ ಜೋನ್ಸ್ ವಿದ್ಯಾಸಂಸ್ಥೆಗಳಲ್ಲಿ ವಿದ್ಯಾರ್ಜನೆಗೈದ ಹಿರಿಯ, ಕಿರಿಯ ವಿದ್ಯಾರ್ಥಿಗಳನ್ನು ಅಂತರ್ಜಾಲದ ಮೂಲಕ ಬೆಸೆಯಲು ‘ಜಾಲತಾಣವನ್ನು Website ರಚಿಸಲು ಅಪಾರ ಶ್ರಮವಹಿಸಿದ ಪ್ರಸ್ತುತ ಹಳೆ ವಿದ್ಯಾರ್ಥಿ ಸಂಘದ ಕ್ರೀಯಾಶೀಲ ಅಧ್ಯಕ್ಷರಾಗಿರುವ ಶ್ರೀ ಫ್ರಾನ್ಸಿಸ್ ಪ್ರಕಾಶ್ ಡಿಸೋಜ ಇವರನ್ನು ಅಭಿನಂದಿಸಿ ಈ ಕರ‍್ಯಕ್ಕೆ ಶುಭಕೋರುತ್ತೇನೆ.

ಸೈಂಟ್ ಜೋನ್ಸ್ ಹಿ. ಪ್ರಾ. ಶಾಲೆ, ಮೂಡಬೆಟ್ಟು ನಾನು ಕಂಡುಕೊAಡ ಹಾಗೆ . . . .

ಸುಮಾರು ೧೨೨ ವರ್ಷಗಳ ಇತಿಹಾಸವುಳ್ಳ ಈ ಶಾಲೆಯು ಶತಮಾನೋತ್ತರ ರಜತ ಮಹೋತ್ಸವವನ್ನು ಆಚರಿಸುವ ಹೊಸ್ತಿಲಿನಲ್ಲಿದೆ.

೧೫ ಶಿಕ್ಷಕರಿದ್ದ ಶಾಲೆಯಲ್ಲಿ ಈಗ ಮೂವರೇ ಖಾಯಂ ಶಿಕ್ಷಕರಿದ್ದಾರೆ. ೭೦೦ ರಿಂದ ೮೦೦ ಮಕ್ಕಳಿದ್ದ ಇದೇ ಶಾಲೆಯಲ್ಲಿ ಈಗ ೧೫೦ ರಿಂದ ೧೭೫ ಮಕ್ಕಳು ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ. ಹಂಚಿನ ಛಾವಣಿ ಹೋಗಿ ಟೆರೆಸ್ ಕಟ್ಟಡ ತಲೆಯೆತ್ತಿದೆ. ಧೂಳಿನಿಂದ ಕೂಡಿದ ಶಾಲಾ ಮುಂಭಾಗ ಈಗ ಇಂಟರ್‌ಲಾಕ್ ಹಾಕಿ ಮುಚ್ಚಲ್ಪಟ್ಟಿದೆ.

ನಾನು ಉಡುಪಿ ಸೈಂಟ್ ಮೇರಿಸ್ ಹಿ. ಪ್ರಾ. ಶಾಲೆಯಿಂದ ಆಗಸ್ಟ್ ೨, ೨೦೦೯ ರಂದು ಈ ಶಾಲೆಗೆ ಸಹಶಿಕ್ಷಕಿಯಾಗಿ ವರ್ಗಾವಣೆಗೊಂಡು ಬಂದೆ. ಅಂದು ನನ್ನನ್ನು ಸೇರಿ ೭ ಶಿಕ್ಷಕರಿದ್ದೆವು ಮತ್ತು ೨೭೦ ರಿಂದ ೩೦೦ ಮಕ್ಕಳು ವಿದ್ಯಾಭ್ಯಾಸ ಮಾಡುತ್ತಿದ್ದರು. ಶಾಲೆಯಲ್ಲಿ ಎಜ್ಮಿ ಟೀಚರ್ ಮುಖ್ಯ ಶಿಕ್ಷಕಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದರು. ಪಠ್ಯಪುಸ್ತಕಗಳು, ಬಿಸಿಯೂಟ ಸರಕಾರದ ವತಿಯಿಂದ ಸಿಗುತ್ತಿತ್ತು. ಈಗಲೂ ಸಿಗುತ್ತದೆ. ಈಗ ಮೊಟ್ಟೆ, ಬಾಳೆಹಣ್ಣು, ಚಿಕ್ಕಿ, ಹಾಲು, ರಾಗಿ ಮಿಕ್ಸ್ ಹೀಗೆ ಎಲ್ಲವೂ ಉಚಿತವಾಗಿ ಸಿಗುತ್ತದೆ.

ವಿದೇಶದಲ್ಲಿ ಕೆಲಸ ಮಾಡುತ್ತಿರುವ ಸಹೃದಯಿ ಹಿರಿಯ ವಿದ್ಯಾರ್ಥಿಗಳು ಮಕ್ಕಳ ವಿದ್ಯಾಭ್ಯಾಸಕ್ಕಾಗಿ ಧನ ಸಹಾಯ ಮಾಡುತ್ತಿದ್ದರು ಈಗಲೂ ಮಾಡುತ್ತಿದ್ದಾರೆ. ನಾನು ಬಂದ ಪ್ರಾರಂಭದಲ್ಲಿ ಮಕ್ಕಳು ಕ್ರೀಡೆಯಲ್ಲಿ ಭಾಗವಹಿಸಿರುವುದನ್ನು ನೋಡಿದ್ದೆ. ನಾವು ಶಿಕ್ಷಕರು ಸ್ಪರ್ಧೆಗೆ ಬೇರೆ ಬೇರೆ ಶಾಲೆಗಳಿಗೆ ಕರೆದುಕೊಂಡು ಹೋಗುತ್ತಿದ್ದೆವು. ಆಗ ನಾನು ಶಂಕರಪುರ ಎಅI (ಎಚಿsmiಟಿe) ಮತ್ತು ಖoಣಚಿಡಿಚಿಛಿಣ ಅಟub ಇವರನ್ನು ಭೇಟಿ ಮಾಡಿ ಕ್ರೀಡಾ ಸಮವಸ್ತçದ ಬಗ್ಗೆ ಚರ್ಚೆ ಮಾಡಿದಾಗ ಸುಮಾರು ೨೪ ಮಕ್ಕಳಿಗೆ ಕ್ರೀಡಾ ಸಮವಸ್ತç ನೀಡಿ ಸಹಕರಿಸಿದ್ದರು. ಈಗಲೂ ಅದು ಬಳಕೆಯಲ್ಲಿದೆ. ದಾನಿಗಳನ್ನು ಭೇಟಿ ಮಾಡಿ ಮಕ್ಕಳಿಗೆ ಸಿಹಿತಿಂಡಿ, ಸ್ಪರ್ಧೆಗಳಿಗೆ ಹೋಗಲು ವಾಹನದ ಖರ್ಚು, ಶಾಲೆಯಲ್ಲಿ ನಡೆಯುವ ಆಚರಣೆಗಳಿಗೆ ಖರ್ಚು ಹೀಗೆ ಧನ ಸಂಗ್ರಹ ಮಾಡಿ ಕಾರ್ಯಕ್ರಮಗಳನ್ನು ನಿರ್ವಹಿಸಲಾಗುತ್ತಿತ್ತು. ಈಗಲೂ ಅದು ಚಾಲ್ತಿಯಲ್ಲಿದೆ. ೨೦೧೬ ಅಕ್ಟೋಬರ್ ೩೧ರಂದು ಎಜ್ಮಿ ಟೀಚರ್ ನಿವೃತ್ತರಾದಾಗ ಶ್ರೀಮತಿ ಮಗ್ದಲಿನ್ ಪ್ರಿಸ್ಕಾ ಅವರಿಗೆ ಅಧಿಕಾರ ವಹಿಸಲಾಗಿತ್ತು. ಅವರ ಅನಾರೋಗ್ಯದ ನಿಮಿತ್ತ ಅವರು ಹುದ್ದೆಯನ್ನು ನಿರಾಕರಿಸಿದ ಪ್ರಯುಕ್ತ ಕಥೋಲಿಕ್ ಶಿಕ್ಷಣ ಮಂಡಳಿಯವರು ನನಗೆ ಪ್ರಭಾರ ಮುಖ್ಯ ಶಿಕ್ಷಕರಾಗಿ ನೇಮಕ ಮಾಡಿದರು. ದಾನಿಗಳ ಮತ್ತು ಹಿರಿಯ ವಿದ್ಯಾರ್ಥಿಗಳ ಸಹಾಯದಿಂದ ಇಂಟರ್‌ಕೋಮ್ ಮತ್ತು ಧ್ವನಿವರ್ಧಕ ವ್ಯವಸ್ಥೆಯನ್ನು ಸರಿಪಡಿಸಲಾಯಿತು. ಶಾಲಾ ಮಕ್ಕಳಿಗೆ ಊಟ ಮಾಡಿದ ನಂತರ ಕೈ ತೊಳೆಯಲು ಸಿಂಕ್ ವ್ಯವಸ್ಥೆ ಮಾಡಲಾಗಿದೆ. ಶೌಚಾಲಯದ ಬಾಗಿಲುಗಳು ಕೋವಿಡ್ ಸಮಯದಲ್ಲಿ ಮುಚ್ಚಿದ್ದ ಕಾರಣ ಗೆದ್ದಲು ಹಿಡಿದು ಬಳಕೆ ಮಾಡಲು ಅಸಾಧ್ಯವಾಗಿದ್ದವು. ರೋಟರಿ ಸಂಸ್ಥೆಯವರ ಸಹಕಾರದಿಂದ ಬಾಗಿಲುಗಳನ್ನು ಮತ್ತು ಹೊರಗಡೆ ಬಾಲಕ/ಬಾಲಕಿಯರ ಶೌಚಾಲಯ ವಿಭಾಜಕವನ್ನು ಅಳವಡಿಸಲಾಗಿದೆ. ಶಾಲೆಗೆ Uಂಇ Pಚಿಟಿgಚಿಟiಣes ರವರ ಸಹಾಯದಿಂದ ಕಛೇರಿ ಮತ್ತು ಶಾಲಾ ಕೆಲಸಗಳಿಗೆ ಕಂಪ್ಯೂಟರ್ ವ್ಯವಸ್ಥೆಯನ್ನು ಮಾಡಲಾಗಿದೆ. ಪ್ರಿಂಟರ್ ಮತ್ತು ಸ್ಕಾö್ಯನರನ್ನು ಹಿರಿಯ ವಿದ್ಯಾರ್ಥಿಗಳು ವೈಯುಕ್ತಿಕವಾಗಿ ಮತ್ತು ರೋಟರಿಯವರ ಸಹಾಯದಿಂದ ನೀಡಿರುತ್ತಾರೆ. ವಿದ್ಯುತ್ ಕಡಿತಗೊಂಡಾಗ ಕೆಲಸಕ್ಕೆ ತೊಂದರೆಯಗದAತೆ Iಟಿveಡಿಣeಡಿ ವ್ಯವಸ್ಥೆಯನ್ನು ಹಿರಿಯ ವಿದ್ಯಾರ್ಥಿಯವರ ನೇತೃತ್ವದಲ್ಲಿ ಮಾಡಲಾಗಿದೆ. ದಾನಿಗಳ ಸಹಾಯದಿಂದ ಶಾಲಾ ಮಕ್ಕಳಿಗೆ ೨೫ ಊಟದ ತಟ್ಟೆಗಳ ವ್ಯವಸ್ಥೆಯನ್ನು ಮಾಡಲಾಗಿದೆ. ಪ್ಲಾಸ್ಟಿಕ್ ಮೇಜುಗಳನ್ನು ತರಲಾಗಿದೆ. ಕ್ರೀಡೋಪಕರಣಗಳ ವ್ಯವಸ್ಥೆ ಮಾಡಲಾಗಿದೆ. ೭ನೇ ತರಗತಿಗಳ ವಿದ್ಯಾರ್ಥಿಗಳು ಬೀಳ್ಕೊಡುಗೆ ಸಂದರ್ಭದಲ್ಲಿ ಶಾಲೆಗೆ ಫ್ಯಾನ್‌ಗಳನ್ನು ಮತ್ತು ಸಮಾರಂಭಕ್ಕೆ ಬಳಸುವ ೪ ಕುರ್ಚಿಗಳನ್ನು ನೀಡಿರುತ್ತಾರೆ. ಶಾಲಾ ಮಕ್ಕಳು ಹುಟ್ಟುಹಬ್ಬವನ್ನು ಆಚರಿಸುವ ಸಂದರ್ಭದಲ್ಲಿ ಗಿಡಗಳನ್ನು ಮತ್ತು ಶಾಲೆಗೆ ಬೇಕಾಗುವ ಪರಿಕರಗಳನ್ನು ನೀಡಿ ಸಹಕರಿಸುತ್ತಾರೆ. ದಾನಿಗಳ ಸಹಾಯದಿಂದ ಎಲ್ಲಾ ಮಕ್ಕಳಿಗೆ ಣಡಿಚಿಛಿಞ suiಣ ವ್ಯವಸ್ಥೆ ಮಾಡಲಾಗಿದೆ. ಕ್ಲಸ್ಟರ್ ಮಟ್ಟದ ಪ್ರತಿಭಾ ಕಾರಂಜಿಯನ್ನು ವ್ಯವಸ್ಥಿತವಾಗಿ ನಡೆಸಲು ಇಲಾಖೆ, ಪಂಚಾಯತ್, ಆಡಳಿತ ಮಂಡಳಿ, ಪೋಷಕರು, ದಾನಿಗಳು, ಶಿಕ್ಷಕರು ಧನಸಹಾಯ ಮತ್ತು ಇತರ ಸಹಾಯ ನೀಡಿ ಸಹಕರಿಸುತ್ತಾರೆ. ಉಳಿದ ಹಣದಿಂದ ಶಾಲೆಗೆ Smಚಿಡಿಣ ಖಿ.ಗಿ ತರಲಾಗಿದೆ. ಸಮಯ ಸಂದರ್ಭಕ್ಕೆ ತಕ್ಕಂತೆ ಮತ್ತು ಆಧುನಿಕತೆಗೆ ಸರಿಹೊಂದುವAತೆ ಮೇಲಿನ ವ್ಯವಸ್ಥೆಗಳನ್ನೆಲ್ಲ ಮಾಡಲಾಗಿದೆ. ಈ ಎಲ್ಲಾ ವ್ಯವಸ್ಥೆಗಳು ಮಕ್ಕಳಿಗೆ ಉತ್ತಮ ವಿದ್ಯಾಭ್ಯಾಸ ನೀಡುವಲ್ಲಿ ಸಹಕರಿಸುತ್ತದೆ.

೨೦೧೯-೨೦ನೇ ಸಾಲಿನಲ್ಲಿ ಸಹ ಶಿಕ್ಷಕಿಯಾಗಿ ಕಾರ್ಯನಿರ್ವಹಿಸಿದ ಶ್ರೀಮತಿ ಹೆಲೆನ್ ವಿನಯ ಕುಮಾರಿಯವರು ನಿವೃತ್ತರಾಗಿರುತ್ತಾರೆ. ೨೦೨೩-೨೪ನೇ ಸಾಲಿನಲ್ಲಿ ನಿವೃತ್ತ ಶಿಕ್ಷಕರಾದ ಶ್ರೀಯುತ ಹೆರಾಲ್ಡ್ ಡಿಸಿಲ್ವರವರು ಪಾಠ, ಪ್ರವಚನ ಮತ್ತು ಕಾರ್ಯಕ್ರಮಗಳನ್ನು ಮಾಡುವಲ್ಲಿ ಸಹಕರಿಸಿದ್ದರು. ೨೦೨೩-೨೪ ಸಾಲಿನಲ್ಲಿ ಸಹ ಶಿಕ್ಷಕಿಯಾಗಿ ಕಾರ್ಯನಿರ್ವಹಿಸಿದ ಶ್ರೀಮತಿ ಮಗ್ದಲಿನ್ ಪ್ರಿಸ್ಕಾರವರು ನಿವೃತ್ತರಾಗಿರುತ್ತಾರೆ. ಪ್ರಸ್ತುತ ಮೂವರು ಖಾಯಂ ಶಿಕ್ಷಕರು ಮತ್ತು ಇಬ್ಬರು ಗೌರವ ಶಿಕ್ಷಕಿಯರು ಕಾರ್ಯ ನಿರ್ವಹಿಸುತ್ತಿದ್ದೇವೆ. ೧೭೫ ಇದ್ದ ಮಕ್ಕಳ ಸಂಖ್ಯೆ ೧೫೦ಕ್ಕೆ ಬರುವ ಸಾಧ್ಯತೆಯಿದೆ. ಶ್ರಮವಹಿಸಿ ದಾಖಲಾತಿ ಹೆಚ್ಚಿಸಲು ಮತ್ತು ಉತ್ತಮ ರೀತಿಯಲ್ಲಿ ವಿದ್ಯಾರ್ಥಿಗಳ ಸರ್ವತೋಮುಖ ಬೆಳವಣಿಗೆ ಆಗುವಲ್ಲಿ ಶಿಕ್ಷಕರಾದ ನಾವು ಕೈ ಜೋಡಿಸಿ ಈ ಸಂಸ್ಥೆಯು ಇನ್ನು ಬೆಳೆಯಲಿ ಎಂದು ಆಶಿಸುತ್ತೇವೆ.

ಇದೆಲ್ಲವು ಸಾಧ್ಯವಾಗಬೇಕಾದರೆ ಮೊದಲಿನ ಶಾಲಾ ಸಂಚಾಲಕರು, ಆಡಳಿತ ಮಂಡಳಿಯವರು, ಈಗಿನ ಸಂಚಾಲಕರು, ಆಡಳಿತ ಮಂಡಳಿಯವರು, ಹಿರಿಯ ವಿದ್ಯಾರ್ಥಿಗಳು, ಪೋಷಕರು, ದಾನಿಗಳು, ಶಾಲಾಭಿಮಾನಿಗಳು ತಮ್ಮ ಸಲಹೆ ಸೂಚನೆಗಳನ್ನಿತ್ತು ನಮಗೆ ಬೆನ್ನೆಲುಬಾಗಿ ನಿಂತು ಸಹಕರಿಸಿದ್ದಾರೆ. ದೇವರ ಆಶೀರ್ವಾದವು ಸದಾ ನಮ್ಮೆಲ್ಲರ ಮೇಲೆ ಇರಲಿ ಎಂದು ಪ್ರಾರ್ಥಿಸುತ್ತೇನೆ.